به‌پێی هه‌واڵی کوردپرێس، له‌و باره‌یه‌وه حه‌سه‌ن قه‌وال كه‌سایه‌تیی ئێزدی له وڵاتی ئه‌ڵمانیا بۆ ماڵپه‌ڕی فه‌رمیی پارتی دیموكراتی كوردستان گوتی: "له‌لایه‌ن سه‌رۆكی فراكسیۆنی پارتی چه‌پی ئه‌ڵمانیا له په‌رله‌مانی هه‌رێمی برادنبۆرگ (ئه‌ندریا یوهلگه) ئاگادار كراینه‌وه كه حكوومه‌تی ئه‌ڵمانیا ڕه‌زامه‌ندیی نیشان داوه بۆ جێبه‌جێ كردنی ئه‌و به‌رنامه‌یه‌ی كه له ماوه‌ی ڕابردوودا بڕیاری له‌سه‌ر دابوو بۆ چاره‌سه‌ركردنی (500) منداڵ و ژن و كچی ڕزگاربووی ده‌ستی تیرۆریستانی داعش له ئه‌ڵمانیا."
قه‌وال له‌باره‌ی كاته‌كه‌شه‌وه ڕایگه‌یاند: "ئه‌و به‌رنامه‌یه له مانگی ئاداردا ده‌چێته بواری جێبه‌جێ كردنه‌وه و سه‌ره‌تا (60) كه‌س له ڕزگاربوووان له كۆنسووڵخانه‌ی ئه‌ڵمانیا له هه‌ولێر ڤیزایان پێ ده‌درێت و ڕه‌وانه ده‌كرێن بۆ ئه‌ڵمانیا، ئینجا دواتر ئه‌وانه‌ی‌تریش كه ژماره‌یان ده‌گاته (500) كه‌س به وه‌جبه ڕه‌وانه‌ی ئه‌ڵمانیا ده‌كرێن."
ئه‌و كه‌سایه‌تییه‌ی ئێزدییه‌كان له وڵاتی ئه‌ڵمانیا ده‌شڵێت: "له ئه‌ڵمانیا ئه‌و كه‌سانه چاره‌سه‌ری ده‌روونی و پزیشكی و هه‌ر چاره‌سه‌رێكی‌تریان پێویست بێت بۆیان ده‌كرێت به‌ڵام كاتی چاره‌سه‌ركردنه‌كانیان دیاری نه‌كراوه كه چه‌ند ڕۆژ ده‌مێننه‌وه."
کۆدی هه‌واڵنێر: 60103
Your Comment