بەپێی هەواڵی کوردپرێس، شاسوار عەبدولواحید دەڵێت، ئەگەر داهاتى نەوت سوودى بۆ خەڵک هەبوایە ئەوا هاوڵاتییان پێش حکوومەتی هەرێم وەڵامى بڕیارەکەى دادگایى فیدراڵییان دەدایەوە.

سەرۆکی جووڵانەوەی نەوەی نوێ لە پەیامە ڤیدیۆییەکەیدا کە لە لاپەڕەی فەرمی خۆی لە فەیسبووک بڵاویکردووەتەوە بە دەسەڵاتدارانی هەرێم دەڵێت، "ئێوەى دەسەڵاتدار چ رێزێکتان بۆ پەرلەمان هێشتووەتەوە و پەرلەمان ئاگادارى نەوت و بڕیارە گرنگەکانە؟ چ کارێکتان کردووە بۆ ئەوەى حکومەت حکومەتى خەڵک بێت؟ ئایا ئەنجومەنى دادوەریی و دادگاکان دامەزراوەى خەڵکن یان بۆ تەسفیەى حزبی و سزادانى خەڵکن؟."

لە کۆتایی پەیامەکەشیدا شاسوار عەبدولواحید ئاماژە بەوەکردووە، پێویستە دەسەڵاتداران بیربکەنەوە بۆچى خەڵک بێدەنگە! یان دڵخۆشە بە بڕیارى دادگاى فیدراڵى؟."