به‌پێی هه‌واڵی کوردپرێس، محه‌مه‌د جه‌واد زه‌ریف وه‌زیری ده‌ره‌وه‌ی ئێران له ھه‌ژماری تایبه‌تی خۆی له تۆڕی كۆمه‌ڵایه‌تیی توویته‌ردا سه‌ردانه‌كه‌ی بۆ ھه‌رێمی كوردستان به بنیاتنه‌ر و به‌رھه‌مدار پێناسه كرد و ڕای‌گه‌یاند: "ئێران دۆستی متمانه‌پێكراوی كورده و گفتوگۆكانمان له‌گه‌ڵ به‌ڕێزان مه‌سعوود بارزانی و نێچیرڤان بارزانی سه‌رۆكی حكوومه‌تی ھه‌رێمی كوردستان و مه‌سروور بارزانی ڕاوێژكاری ئه‌نجوومه‌نی ئاسایشی ھه‌رێمی كوردستان بنیاتنه‌ر و به‌رھه‌مدار بوون."
ناوبراو ئاماژه‌ی به سه‌فه‌ری خۆی بۆ سلێمانی کرد و نووسیی: "له کۆنفڕانسێکی ئابووری هاوبه‌ش به‌شداریم کرد و گفتوگۆیێکی دۆستانه‌م له‌گه‌ڵ "قوباد تاڵه‌بانی" جێگری سه‌رۆک وه‌زیرانی هه‌رێمی کوردستان ئه‌نجام دا."
وه‌زیری ده‌ره‌وه‌ی ئێران له په‌یامه‌که‌یدا باسی له‌وه کرد که سه‌ردانی مه‌زاری مام جه‌لالی کردوووه و مام جه‌لال به ته‌نها دۆستی کۆماری ئیسلامیی ئێران و ڕێبه‌رێکی شایسته وه‌سف ده‌کات که ڕۆڵێکی کارای له به‌ره‌وپێش بردنی یه‌کپارچه‌یی و په‌یوه‌ندییه ناوچه‌ییه‌کانی عێراق گێڕاوه.
ڕۆژی 15-1-2019 محه‌مه‌د جه‌واد زه‌ریف وه‌زیری ده‌ره‌وه‌ی ئێران به یاوه‌ریی شاندێكی باڵای وڵاته‌كه‌ی سه‌ردانی ھه‌رێمی كوردستانی كرد و له‌گه‌ڵ مه‌سعوود بارزانی و نێچیرڤان بارزانی سه‌رۆكی حكوومه‌تی ھه‌رێمی كوردستان و مه‌سروور بارزانی ڕاوێژكاری ئه‌نجومه‌نی ئاسایشی ھه‌رێمی كوردستان كۆ بوووه‌وه و به‌شداری له کۆنفرانسی په‌ره‌پێدانی ئابووریی نێوان هه‌رێمی کوردستان و کۆماری ئیسلامیی ئێران كرد و له كۆبوونه‌وه و دیداره‌كاندا جه‌خت له‌سه‌ر په‌یوه‌ندییه‌كانی ھه‌ردوولا كرایه‌وه.
کۆدی هه‌واڵنێر: 60103
Your Comment