هدیە یووسف لە گفتوگۆ لەگەڵ کوردپرێسدا لەبارەی تێڕوانینی ئەمریکا و ڕووسیا بۆ پرسی کوردانی سووریا ڕایگەیاند: موناقشەی سووریا تەنها لە ڕێگای سیاسییەوە چارەسەر دەبێت و ئەوەش بە ئامادەبوونی هەموو لایەنە سوورییەکان لە دانووستانێکی ڕاستەقینەدا دەستەبەر دەکرێت.
ناوبراو زیادی کرد ڕێگاچارەی سیاسی کاتێک لە سووریا دێتە ئاراوە کە تورکیا لە خاکی سووریا بکشێتەوە و هێزە کورد و عەرەبکان و هێزە بەرگرییەکانی ناوچەکە نەکاتە ئامانج.
هدیە یووسف دەیشڵێت کشانەوەی ئەمریکا تەنها بە وەستاندنی دەستدرێژیی تورکیاوە بەسراوە و ئارمی و ئاسایش کاتێک بۆ سووریا دەگەڕێتەوە کە تورکیا بەزووترین کات خاکی سووریا چۆڵ بکات و ئەو هێزە ناسوورییانە کە سەر بەو وڵاتەن لەگەڵ خۆی بباتە دەرەوە تا خەڵک و هێزە سوورییەکان کونترۆڵی ناوچەکە بگرنە دەستەوە.
ئەم سیاسەتوانە کوردە لە کۆتاییدا جەخت دەکاتەوە لەسەر ڕێگری کردن لە ڕێێکەوتنی نادروست لەبارەی سووریا و دەڵێت: تا ئەمڕۆ کۆبوونەوەی زۆر لەسەر ئاگربڕ لە سووریا کراوە بەڵام چوونکە ڕۆڵی هێزە سوورییەکانی لەبەرچاو نەگرتووە هەوڵەکان بەردەوام تووشی شکست هێنان دەبێت.
کۆدی هەواڵنێر: 60113
Your Comment