به‌پێی هه‌واڵی کوردپرێس، ڕۆژی یه‌کشه‌ممه 13ی کانوونی دووهه‌می 2019 عادل عه‌بدولمه‌هدى سه‌رۆکوه‌زیرانى عێراق له‌گه‌ڵ محه‌مه‌د جه‌واد زه‌ریف وه‌زیرى ده‌ره‌وه‌ى ئێران کۆ بوویه‌وه و تیایدا ڕایگه‌یاندوووه که به‌غدا ده‌یه‌وێت باشترین په‌یوه‌ندى له‌گه‌ڵ وڵاتانى دراوسێدا بنیاد بنێت و له‌و چوارچێوه‌یه‌شدا خۆشحاڵیی خۆى به گفتوگۆکانى سه‌رۆککۆمارى عێراق به‌رهه‌م ساڵح ده‌ربڕیوه که له کاتى سه‌ردانه‌که‌ى بۆ ئێران له‌گه‌ڵ کاربه‌ده‌سته باڵاکانى ئه‌و وڵاته ئه‌نجامی داوه.
هه‌ر له‌و کۆبوونه‌وه‌یه‌دا سه‌رۆکوه‌زیرانى عێراق هیواى خواستوووه که ئه‌و سه‌ردانانه ببێته هۆى پته‌وکردنى په‌یوه‌ندییه دووقۆڵییه‌کانى نێوان عێراق و ئێران و دووپاتیشی کردۆته‌وه که به‌غدا ده‌یه‌وێت باشترین په‌یوه‌ندى له‌گه‌ڵ دراوسێکانیدا بنیاد بنێت و گه‌شه‌ى زیاتر له په‌یوه‌ندییه‌کانى هه‌ر دوو وڵات ببینێت.
سه‌رچاوه: خه‌ندان
کۆدی هه‌واڵنێر: 60103
Your Comment