بەپێی هەواڵی کوردپرێس، به‌گوێره‌ی راگه‌یه‌ندراوێکی نووسینگەکەی، بافڵ جه‌لال تاڵه‌بانی له به‌غدا پێشوازیی کرد له ئیلبروس کوتراشیڤ، باڵیۆزی رووسیا له عێراق، له دیدارێکدا په‌یوه‌ندییه‌کانی ھه‌ردوولا تاوتوێکران و جه‌خت کرایه‌وه له ھه‌ماھه‌نگی و ھاریکاری ھاوبه‌ش به‌جۆرێک خزمه‌تی به‌رژه‌وه‌ندییه باڵاکان بکات.
ھه‌ر له‌دیداره‌که‌دا بیروڕا له‌باره‌ی ھه‌نگاوه‌کانی پێکھێنانی حکوومه‌تی نوێی عێراق ئاڵوگۆڕ کرا و به‌ربه‌سته‌کانی به‌رده‌م لایه‌نه سیاسییه‌کان ھه‌ڵوه‌سته‌ی له‌سه‌رکرا.
بافڵ جه‌لال تاڵه‌بانی روونیکرده‌وه، سه‌رباری ناکۆکییه‌کان و جیاوازی بۆچونه‌کان به‌ڵام بێھیوانین و له‌گه‌ڵ ھاوبه‌شه راسته‌قینه‌کانمان که په‌رۆشی یه‌کڕیزی نیشتمانیی و پاراستنی که‌لتوری ته‌وافقن ده‌مانه‌وێت رێکبکه‌وین و حکومه‌تێکی کاریگه‌ر و خزمه‌تکار پێکبھێنین، که خزمه‌تی ھه‌مو لایه‌ک بکات به‌بێ جیاوازی.
راشیگه‌یاند، ھیچ کێشه و گیروگرفتێک به‌بێ لێکتێگه‌یشتن و سازان چاره‌سه‌رناکرێت، باشترین بژارده دیالۆک و په‌نابردنه بۆ زمانی گفتوگۆ.
Your Comment