به‌پێی هه‌واڵی کوردپرێس، نازم ده‌باغ به‌ ده‌نگی ئه‌مریكای ڕاگه‌یاندوووه‌: ده‌بێت كورد زیره‌كانه‌ مامه‌ڵه‌ له‌گه‌ڵ وڵاتانی ئه‌مریكا و ڕووسیادا بكات و پشتیان پێ نه‌به‌ستێت بۆیه‌ زیاتر دراوسێكان بۆ كورد گرنگتره‌.

ناوبراو ده‌شڵێت: "ترسم هه‌یه‌ وڵاتانی دراوسێ پشتمان تێبكه‌ن، نه‌ک وڵاتانی ده‌ره‌كی و له‌گه‌ڵ ئه‌وه‌شدا نیم بازرگانی و فرۆشتنی نه‌وت ڕابگرین و جارێكی دیكه‌ خۆمان تووشی قه‌یرانی گه‌وره‌تر بكه‌ین، ده‌بێت كورد خۆی بپارێزێت له‌و شه‌ڕه‌ی ئه‌مریكا له‌ گۆڕه‌پانی كورددا له‌گه‌ڵ ئێران ده‌یكات."

چه‌ند ڕۆژی ڕابردوو دۆناڵد تره‌مپ سه‌رۆكی ئه‌مریكا ڕای‌گه‌یاند: كورده‌كان تۆزێک نه‌وتیان هه‌یه‌ به‌ ئێرانی ده‌فرۆشن و له‌ سه‌ره‌وه‌ش خۆیان به‌ هاوپه‌یمانیی ئه‌مریكا ده‌زانن.

کۆدی هه‌واڵنێر: 60103