به‌پێی هه‌واڵی کوردپرێس، نادیه موراد له پێگه‌ی فه‌رمیی خۆی له توویته‌ردا نووسیویه‌تی که له‌گه‌ڵ چاووشئۆغڵۆ کۆ بوومه‌وه بۆ باس کردنی هێرشه‌کانی ئه‌م دواییه‌ی سوپای تورکیا بۆ سه‌ر شه‌نگال و ده‌وروبه‌ری.
نادیه موراد ڕای‌گه‌یاندوووه که "پێویسته تورکیا و عێراق هه‌ماهه‌نگ بن له دۆزینه‌وه‌ی ڕێگه‌چاره‌یێک بۆ وه‌ستاندنی بۆردومانه‌کانی سه‌ر شه‌نگال و پێویسته هه‌وڵی بونیاتنانه‌وه‌ی ئه‌و شتانه بده‌ین که داعش خاپووری کردوووه و یارمه‌تی ئێزیدییه‌کان بده‌ین بگه‌ڕێنه‌وه ناوچه‌کانی خۆیان".
شایانی باسه؛ شه‌وی 13ی کانوونی یه‌که‌می 2018 له ده‌وروبه‌ری کاتژمێر 9:00 فرۆکه جه‌نگییه‌کانی سوپای تورکیا بوردومانی شه‌نگال و چیای قه‌ره‌چوغیان کرد و به‌هۆی ئه‌و بۆردومانانه‌وه چوار ئه‌ندامی هێزه‌کانی پاراستنی مه‌خموور گیانیان له‌ده‌ست داوه و هه‌ر چوار قوربانییه‌که ژنن و زیانێکی زۆری مادیشی لێکه‌وتوووه‌ته‌وه.
کۆدی هه‌واڵنێر: 60103
Your Comment