بەپێی هەواڵی کوردپرێس، لەبارەی سەردانەکەوە ئومێد سه‌باح له دیوانی سه‌رۆكایه‌تی هه‌رێمی كوردستان، بە کەناڵی تەلەفیزیۆنیی کوردستان24 وتی: سه‌ردانه‌كه‌ی محه‌مه‌د حه‌لبووسی بۆ هه‌ولێر سه‌ردانێكی فه‌رمییه و دیداری سیاسیی ده‌بێت و له‌گه‌ڵ مەسعوود بارزانی كۆ ده‌بێته‌وه.
هەروەها حه‌لبووسی، ئەمڕۆ هه‌ینی له دهۆک له مه‌راسمێكی تایبه‌ت به كوردانی ئێزدی به‌شدار ده‌بێت.
ئه‌وه دووه‌م سه‌ردانی حه‌لبووسیه بۆ هه‌ولێر و پێشتریش دوای هه‌ڵبژاردنی به سه‌رۆكی ئه‌نجوومه‌نی نوێنه‌رانی عێراق، سه‌ردانی هه‌رێمی كوردستانی كرد و له‌گه‌ڵ مەسعوود بارزانی و نێچیرڤان بارزانی سه‌رۆک وه‌زيرانى هه‌رێمی كوردستان كۆ بووه‌وه.
کۆدی هەواڵنێر: 60113
Your Comment