به‌پێی هه‌واڵی کوردپرێس، ته‌ڵعه‌ت که‌ریم به هه‌واڵده‌ریی نه‌ته‌وه‌ییی نینای ڕاگه‌یاندوووه: له سه‌ره‌تای هه‌فته‌ی داهاتوودا کۆبوونه‌وه‌یێک له نێوان سه‌رکرده‌ی هاوپه‌یمانێتییه‌کانی بنیاتنانه‌وه و چاکسازی به‌ڕێوه ده‌چێت بۆ چاره‌سه‌رکردنی کێشه‌ی پێدانی ده‌نگی متمانه به وه‌زیرانی پاشماوه‌ی کابینه‌که‌ی عادل عه‌بدولمه‌هدی له‌وانه وه‌زیرانی به‌رگری و ناوخۆ.
ناوبراو ده‌شڵێت: موسته‌حیله له داهاتوویێکی نزیکدا ڕێگه‌چارێک بۆ بابه‌تی وه‌رگرتنی پۆستی وه‌زاره‌تی ناوخۆی عێراق له‌لایه‌ن فالح فه‌یازه‌وه بدۆزرێته‌وه و ته‌نیا ڕێگه‌چاره‌ی ئه‌و بابه‌ته پاشگه‌زبوونه‌وه‌ی فه‌یاز له کاندیدبوونی بۆ وه‌رگرتنی ئه‌و پۆسته‌یه.
ناوبراو پێشبینی کرد که عه‌بدولمه‌هدی له کۆبوونه‌وه‌ی ڕۆژی سێشه‌ممه‌ی داهاتووی ئه‌نجومه‌نی نوێنه‌رانی عێراقدا وه‌زیرانی دیکه‌ی کابینه‌که‌ی جگه له وه‌زیری ناوخۆ بۆ پێدانی ده‌نگی متمانه به په‌رله‌مان بناسێنێت.
کۆدی هه‌واڵنێر: 60103
Your Comment