به‌پێی هه‌واڵی کوردپرێس، ھه‌ندرێن دۆسکی ئه‌ندامی لیژنه‌ی نه‌زاھه له په‌رله‌مانی عێراق به كوردستان 24ی ڕاگه‌یاند: "به‌پێی داتا و ژماره‌كان له ساڵی 2003وه تا ئێستا یه‌ک تریلیۆن دۆلار داھاتی عێراق بوووه، له كۆی ئه‌و پاره‌یه زیاتر له 500 ملیار دۆلار به ھه‌ده‌ر دراوه و ئه‌وه‌ی دیكه‌ش به گه‌نده‌ڵی و پڕۆژه‌ی وه‌ھمی خه‌رج كراوه بۆیه په‌رله‌مانی عێراق ھه‌وڵی ھه‌موارکردنه‌وه‌ی پڕۆژه‌یاسای گه‌نده‌ڵی ده‌دات تاوه‌کوو پاره به‌ھه‌ده‌ردراوه‌کان بگه‌ڕێنێته‌وه و گه‌نده‌ڵکارانیش بداته دادگا."
ناوبراو گوتیشی: له کابینه‌ی خولی ڕابردووی په‌رله‌مانی عێراقدا ھه‌موارکردنه‌وه‌ی پڕۆژه یاسای بنه‌بڕکردن و گه‌ڕانه‌وه‌ی پاره به‌ھه‌ده‌دراوه‌کان و به دادگا گه‌یاندنی گه‌نده‌ڵکاران ده‌نگی له سه‌ر نه‌درا بۆیه له‌م خوله‌دا ھه‌وڵی ئه‌وه ده‌درێت ئه‌و پڕۆژه یاسایه بخرێته‌وه ده‌نگدان.
شیروان میرزا ئه‌ندامی لیژنه‌ی داراییی په‌رله‌مانی عێراقیش ده‌ڵێت: "بۆ ڕێگری كردن له مه‌له‌فی گه‌نده‌ڵی و به‌ھه‌ده‌ردانی سامانی گشتیی عێراق یه‌کێک له كاره‌كانی لیژنه‌ی دارایی له په‌رله‌مان ئه‌وه‌یه به‌دواداچوون بكات و ھه‌موو ساڵێک داوای حیسابی كۆتایی بكات و به‌دواداچوونی ورد له‌سه‌ر مه‌له‌فه‌كان بكات."
کۆدی هه‌واڵنێر: 60103
Your Comment