کوردپرێس:

ئەحمەد حاجی ڕەشید، ئەندامی لیژنەی دارایی لەئەنجومەنی نوێنەران لە بارەی بڕیاری ئوپێک بۆ کەم کردنەوەی ئاستی بەرهەمهێنانی نەوت ڕایگەیاند: بڕیارەكەی وڵاتانی ئەندامی ئۆپیك بە كەم­كردنەوەی ئاستی بەرهەمهێنانی نەوت و هەناردەكردنی بۆ بازاڕەكانی جیهان، عێراقیش دەگرێتەوە.

ئەو ئەندامەی لیژنەی دارایی لە پەرلەمانی عێراق ئاشكراشی كرد، پابەندبوونی عێراق بڕیارەكەی ئۆپیك بۆ كەمكردنەوەی بەرهەمهێنان و هەناردەكردنی نەوت، كاریگەریی لەسەر كەم­بوونەوەی داهاتەكانی نابێت، بەوپێیەی بڕیارەكە دەبێتە هۆی بەرزبوونەوەی نرخی نەوت لە بازاڕەكانی جیهاندا.

ئەو پەرلەمانتارە دڵنیاییی ئەوەشی دا كە كەمكردنەوەی هەناردەی نەوتی عێراق، كاریگەریی لەسەر توانای حكوومەت بۆ دابینكردنی مووچەی فەرمانبەران نابێت و گوتیشی:" بەرزبوونەوەی نرخی نەوت لە بازاڕەكانی جیهاندا، قەرەبووی كەم­كردنەوەی هەناردەكردن دەكات و بەغداش دەتوانێت لەكاتی خۆیدا مووچەی فەرمانبەران دابین بكات.