به‌پێی هه‌واڵی کوردپرێس، سه‌رپیل که‌مالبای ئه‌ندامی په‌رله‌مانی هه‌ده‌په و نوێنه‌ری ئه‌زمیر ڕای‌گه‌یاند: ئۆپه‌راسیۆنه‌کانی دژ به هه‌ده‌په به‌رده‌وامه و پاش دیاربه‌کر، ئه‌نقه‌ره، ئه‌سته‌نبۆڵ و وان به‌مدواییانه له ئه‌زمیریش 8 که‌س ده‌ستگیر کران و پاشان چوار له‌وانه تاوانبار کران.
ناوبراو ئاماژه‌ی به‌وه‌ش کرد که له‌و ئۆپه‌راسیۆنانه‌دا هۆکاری ده‌ستگیرکردنی ئه‌و که‌سانه بۆ هه‌ندێک له لێدوانه‌کانیان ده‌گه‌ڕێته‌وه و به ئه‌ندامی ڕێکخراوی تیرۆریستی و پروپاگه‌نده‌کردن بۆ ئه‌و ڕێکخراوه تاوانبار ده‌کرێن.
سه‌رپیل که‌مالبای ده‌ڵێت: هه‌ده‌په داوای دیموکراسی ده‌کات و ئه‌م ئۆپه‌راسیۆنانه مه‌به‌ستی سیاسی له پشته و له‌م کاته‌دا به‌هۆی نزیکبوونه‌وه‌ی هه‌ڵبژاردنه هه‌رێمیه‌کان ئه‌نجام ده‌درێن.
سه‌رچاوه: ده‌نگی ئه‌مریکا
کۆدی هه‌واڵنێر: 60103
Your Comment