بەپێی هەواڵی کوردرێس، ئەمشەو هێرشی مووشەکی کرایە سەر ناوچەی سەورز و دوابەدوای ئەوە له‌نێو باڵه‌خانه‌ی باڵیۆزخانه‌ی ئه‌مه‌ریکا زه‌نگی ئاگادارکردنه‌وه‌ لێدرا.

لەوبارەوە شانه‌ی ڕاگه‌یاندنی ئه‌منی عێراق ڕایگه‌یاند: له‌ کارێکی تیرۆریستی‌ ترسنۆکانه‌دا ئه‌مشه‌و مووشه‌ک ئاراسته‌ی ناوچه‌یه‌کی نیشته‌جێبوون له‌ ناوچه‌ی سه‌وزی به‌غدا و باڵیۆزخانه‌ی ئه‌مه‌ریکا کرا و ئه‌م ناوچانه‌ش له‌ژێر به‌رپرسیاره‌تی پاراستنی هێزه‌ ئه‌منییه‌کانی عێراقدان.

ڕاشیگه‌یاند: به‌هۆی هێرشه‌ مووشه‌کییه‌که‌ منداڵ و ئافره‌تێک برینداربوون.

هه‌روه‌ها ڕایگه‌یاند: یه‌کێک له‌ مووشه‌که‌کان له‌نێو قوتابخانه‌ی ئیلاف له‌ ناوچه‌ی سه‌وزی به‌غدا که‌وتۆته‌ خواره‌وه‌ و زیانی به‌ قوتابخانه‌که‌ گه‌یاندووه‌.

شانه‌ی ڕاگه‌یاندنی ئه‌منی جه‌ختیشی کرده‌وه‌ که‌ ئێستا هێزه‌ ئه‌منییه‌کان خه‌ریکی لێکۆڵینه‌وه‌ن له‌ هێرشه‌که‌ و دیاریکردنی زه‌ره‌ و زیانه‌کان.