بەپێی هەواڵی کوردپرێس، لیوا روكن حه‌مه‌د نامس جبوری فه‌رمانده‌ی پۆلیسی نه‌ینه‌وا، له پرێس كۆنفرانسێكدا رایگه‌یاند هێزێكی فه‌وجی دووی وه‌ڵامدانه‌وه‌ی خێرا سه‌ربه فه‌رمانده‌یی پۆلیسی نه‌ینه‌وا به هاوكاریی هێزێكی هه‌واڵگریی نیشتمانی و پشتبه‌ستن به زانیاری هه‌واڵگریی، 13 چه‌كداری داعشیان ده‌ستگیر كردووه.
حه‌مه‌د نامس جبوری وتیشی: "ئه‌و چه‌كدارانه له میانی زنجیره‌یێک هه‌ڵمه‌تی گه‌ڕان و پشكنیندا كه له ژماره‌یێک گه‌ڕه‌ک و ناوچه‌ی به‌شی چه‌پ و راستی شاری مووسڵ هه‌روه‌ها له گونده‌كانی حلیله، ته‌مارات و مه‌زره‌عه رۆژئاوای شاره‌كه ئه‌نجام دران، ده‌ستگیر كراون".
کۆدی هەواڵنێر: 60113
Your Comment