کوردپرێس:
به‌پێی هه‌واڵێكی ماڵپەری فه‌رمیی وەزاره‌تی به‌رگریی توركیا، خولوسی ئاکار، وەزیری بەرگریی تورکیا، پەیوەندییەکی تەلەفۆنی لەگەڵ سێرگی شۆیگو، وەزیری بەرگریی رووسیا، ئەنجام دا. له په‌یوه‌ندییه‌كه‌دا باس له دوایین پێشهاته‌كانی ئیدلب و پرسه ئه‌منییه‌كانی ناوچه‌كه كرا.
وەک لە هەواڵەکەی ماڵپەری وەزارەتی بەرگریی تورکیا هاتووە، له په‌یوه‌ندییه ته‌له‌فۆنییه‌كه‌دا، باس له‌و هه‌وڵانه كرا، كه مه‌به‌ست لێیان زیان­گه‌یاندنه به رێككه‌وتنی سۆچی و جه‌خت كرایه‌وه كه ده‌بێ سه‌رجه‌م لایه‌نه‌كان چاوكراوه بن و ئاگاداری هه‌ر هه‌وڵێكی له‌م جۆره ببن.
له په‌یوه‌ندییه ته‌له‌فۆنییه‌كه‌ی نێوان ئاكار و شۆیگۆ ئاڵوگۆڕی بیروڕاكان كرا له‌باره‌ی چه‌ند پرسێكی تایبه‌ت و په‌یوه‌ندیدار به ئاسایشی هه‌ردوو وڵات.
Your Comment