کوردپرێس: بەگوێرەی ڕاگەیێندراوێکی نووری مالیکی کە لە لاپەڕەی تایبەتی خۆی لە تۆڕی کۆمەڵایەتی فەیسبووک بڵاوی کردووەتەوە، لە دیدارەکەی لەگەل بارزانیدا پێشهاتە سیاسی و ئەمنییەکانیان لە عێراقدا تاوتوێ کردووە و بیروڕایان ئاڵوگۆڕ کردووە دەربارەی داهاتووی پرۆسەی سیاسی لە سایەی گەشەسەندنەکانی ئەم قۆناغەدا.

بەگوێرەی ڕاگەیێندراوەکە، هەردوولا جەختیان کردووەتەوە لە یەکخستنی هەوڵی نێوان هێزە نیشتمانییەکان بۆ تێپەڕاندنی ڕێگرییەکان و کارکردن لەسەر چارەسەر کردنی کێشە و ناکۆکییە هەڵپەسێردراوەکانی نێوان ناوەند و هەرێم بەگوێرەی دەستووری عێراق.

مەسعوود بارزانی سەرۆکی پارتی دیموکراتی کوردستان لە بەغدا ئامادەیی خۆی نیشانداوە بۆ پشتیوانی لە هەلێکی نوێ کە لە عێراقدا بۆیان هاتووەتە ئاراوە و دامەزراندنی پەیوەندی پتەو و ڕاست کردنەوەی هەڵەکان کە لە ڕابردوودا ڕوویانداوە.

ئەوە لە کاتێکدایە، ئەمڕۆ بارزانی بە سەردانێک گەیشتە بەغدا و لەگەڵ ژمارەیێک لە لێپرسراوە باڵاکانی عێراق کۆبووەوە.

کۆدی هەواڵنێر: 60113