بەپێی هەواڵی کوردپرێس، فەرماندەیی ئۆپەراسیۆنە هاوبەشەكانی عێراق رایگەیاند: فڕۆكە جەنگییەكانی عێراق، كە لەجۆری F16 بوون، ئەمڕۆ سێشەممە لەسەر بنەمای هەواڵگیری چەند هێرشێكیان لەناو خاكی سووریا ئەنجام داوە، ئەوەش لەرێگەی بۆردومانەوە.

فەرماندەییەكە راشیگەیاندووە: بەهۆی ئەو هێرشانەوە لە دوو ناوچەی جیاوازی ناو خاكی سووریا 40 چەكداری داعش كوژراون، كە بەنیازی پەڕینەوە بوون بۆ ناو خاكی عێراق.

هەروەها رایگەیاندووە، فڕۆكەكان دوای ئەنجام دانی بۆردومانەكە بە سەلامەتی گەڕاونەتەوە خاكی عێراق ‌و جەختی لەوەش كردووەتەوە لەو جۆرە هێرشانە بۆ سەر چەكدارانی داعش بەردەوام دەبن.

کۆدی هەواڵنێر: 60113