بەپێی هەواڵی کوردپرێس، دوای هێرشکردنەسەر ماڵی مستەفا کازمی سەرۆک وەزیرانی عێراق بە ئامانجی تیرۆر کردنی ناوبراو؛ عەلی شەمخانی، سکرتێری باڵای ئەنجوومەنی باڵای ئاسایشی نیشتمانی ئێران لە توویتێکدا رایگەیاند: "هێرشکردنە سەر ماڵی سەرۆکوەزیرانی عێراق ئاژاوەیەکی نوێیە و دەبێت لە ژوورە فیکرییەکانی دەرەوەدا بەدواداچوونی بۆ بکرێت، کە لە ساڵانی رابردووەوە بە دروستک ردن و پشتیوانی کردنی گرووپی تیرۆرستی و داگیرکردنی ئەو وڵاتە، جگە لە نائەمنی و دروستکردنی ناکۆکی و ناسەقامگیری هیچ شتێکی دیکەیان بۆ خەڵکی ستەملێکراوی عێراق نەبووە".

شایانی باسە بەرەبەیانی ئەمڕۆ یەکشەممە 7ی تشرینی دووەمی 2021، لە رێگەی فڕۆکەیەکی بێفڕۆکەوانەوە هێرشکرایە سەر ماڵی مستەفا کازمی، سەرۆکوەزیرانی عێراق.