به‌پێی هه‌واڵی کوردپرێس، عالیه نوسه‌یف په‌رله‌مانتاری عێراق له ئیئتیلافی ده‌وڵه‌تی یاسا له به‌یاننامه‌یێكدا ئاماژه‌ی به‌وه كردوووه که ئه‌ركی نیشتمانی و به‌رپرسیارێتیی ئه‌خلاقی له به‌رده‌م گه‌لی عێراقدا ئه‌وه‌یه ئه‌م پێشنیاره جێبه‌جێ بكرێت و له پڕۆژه‌یاسای بودجه‌ی 2019دا بڕیارێک ده‌ربكرێت كه تێیدا له نرخی هه‌ر به‌رمیلێک نه‌وتی خاو بڕێک پاره لا بدرێت و به سه‌ر گه‌لی عێراقدا دابه‌ش بكرێت.
ناوبراو وتووشیه‌تی: "متمانه‌مان به سه‌رۆكی په‌رله‌مان هه‌یه كه سه‌رجه‌م تواناكانی ده‌سه‌ڵاتی یاسادانان بۆ خزمه‌ت كردنی گه‌لی عێراق به‌كار ده‌هێنێت بۆ ئه‌وه‌ی ئاستی ژیانیان باشتر ببێت".
ئه‌و په‌رله‌مانتاره ئاماژه‌ی به‌وه کردوووه که داواكارییه‌كه‌ی ئاراسته‌ی سه‌رۆكایه‌تیی په‌رله‌مان كردوووه ئه‌وه‌شی به پشتبه‌ستن به ماده‌ی 59ی ده‌ستوور كردوووه و واژۆی 50 په‌رله‌مانتاری بۆ كۆ كردۆته‌وه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment