به‌پێی هه‌واڵی کوردپرێس، ڕائید شاكر جه‌وده‌ت فه‌رمانده‌ی هێزه‌كانی پۆلیسی فیدراڵی له به‌یاننامه‌یێكدا ڕای‌گه‌یاندوووه که له سه‌نته‌ری زانیارییه‌كانی خاڵی پشكنینی پردێ له نێوان که‌رکووک و هه‌ولێر، ئه‌ندامێكی ڕێكخراوی داعش له‌لایه‌ن لیوای 18ه‌وه ده‌ستگیر كراوه كه به ماده‌ی تیرۆر داواكراو بوووه.
ناوبراو ده‌شڵێت: "هه‌ر له‌سه‌ر زانیاریی وردیی هه‌واڵگری ئه‌ندامێكی دیكه‌ی داعش ده‌ستگیر كراوه كه ژنه و كاری پزیشكی بۆ چه‌كدارانی داعش كردوووه و برینداره‌كانی چاره‌سه‌ر كردوووه".
ڕائید شاكر جه‌وده‌ت ڕوونیشی كردۆته‌وه: ئه‌و ژنه پێشتر فه‌رمانی ده‌ستگیركردنی له‌لایه‌ن دادگای فیدراڵی كه‌ركووک بۆ ده‌ركراوه و هه‌ر دوو داواكراویش ڕاده‌ستی لایه‌نی پێداچوونه‌وه‌ی په‌یوه‌ندیدار كراون.
ناوبراو ئه‌وه‌شی ئاشكرا كرد که پرۆسه‌یێكی هه‌ڵمه‌ت و گه‌ڕان له پارێزگای كه‌ركووک ئه‌نجام دراوه و تێیدا چه‌ندین ماده‌ی ته‌قینه‌وه و بۆمب و C4 ده‌ستیان به سه‌ردا گیراوه و له‌لایه‌ن تیمه تایبه‌تمه‌ندییه‌كانه‌وه ته‌قێنراونه‌ته‌وه، هه‌روه‌ها له هه‌ڵمه‌ته‌كه‌دا 6 گومانلێكراویش ده‌ستگیر كراون.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment