کوردپرێس:

ڕۆژی شەممە چەند چەکدارێکی داعش کە ژمارەیان نەزانراوە هێرشیان کردووەتە سەر "گوندی حسێن مەمە" لە سنووری شارۆچکەی خانەقین.

بەپێی زانیارییەکان "هێزەکانی پۆلیسی فیدڕاڵیش هاتوون بەهانای خەڵکی گوندەکەوە و کاتژمێریک زیاتر شەڕ و پێکدادان بەردەوام بوە و سێ کەس لە هیزەکانی پۆلیس و خەلکی مەدەنی بریندار بوون و تا ئیستا زیانی هیزە هێرشبەرەکەی داعش نەزانراوە".

دواتر هیزەکانی پۆلیس و خەلکی ناوچەکە توانیویانە هیزەکەی داعش تێکبشکێنن و لەناوچەکە دووریان بخەنەوە.

حسین مەمە گوندیگی کوردی شیعەیە و چەند کیلۆمەتریک لە خانەقین دورە.

ماوەیێکە هێزەکانی داعش هاتوونەنەتەوە ناوچە کوردییەکانی دەوروبەری کەرکووک و خانەقین و مووسڵ و چالاکییەکانیان دەست پێکردووەتەوە.