به‌پێی هه‌واڵی کوردپرێس، ئه‌مڕۆ دووشه‌ممه 22ی تشرینی یه‌که‌می 2018 فراکسیۆنی نه‌وه‌ى نوێ له په‌رله‌مانى عێراق له به‌یاننامه‌یێکدا ڕایگه‌یاندوووه که "ستراتێجی ئێمه له داهاتوودا چاودێریی کردنی حکوومه‌ت و کاره‌کانی و لێپرسینه‌وه‌ى ده‌بێت و باوه‌ڕی ته‌واومان به جیاکردنه‌وه‌ى ده‌سه‌ڵات له یه‌کتر هه‌یه."
له به‌یاننامه‌یێکدا ئه‌وه‌شی تێدا هاتوووه "له‌گه‌ڵ سه‌رجه‌م هێزه عێراقییه‌کانی‌تردا کار ده‌که‌ین بۆ دروست کردنى به‌ره‌یێکى ئۆپۆزسیۆنی کارا دوور له حزبایه‌تى و تائیفییه‌ت و دابه‌شکاری بۆ کارکردن له چوارچێوه‌ى په‌رله‌مانی عێراقدا."
فراکسیۆنی نه‌وه‌ى نوێ له به‌غدا ڕاشیگه‌یاندوووه: "ئێمه یه‌که‌م فراکسیۆنین له‌سه‌ر ئاستى عێراق که ئۆپۆزسیۆن بوونى خۆمان ڕاگه‌یاندوووه و پێمانوایه پرۆسه‌ى دیموکراسی و به‌کارخستنى په‌رله‌مانێکی به‌هێز له‌م ڕێگایه‌وه ده‌بێـت."
ئه‌مه له كاتێكدایه جووڵانه‌وه‌كه چوار كورسی په‌رله‌مانی هه‌یه و تا ئێستا گفتوگۆی له‌گه‌ڵ عادل عه‌بدولمه‌هدی ڕاسپێردراو بۆ پێكهێنانی حكوومه‌تی نوێی عێراق نه‌كردوووه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment