به‌پێی هه‌واڵی کوردپرێس، گۆڕێکی به‌کۆمه‌ڵ له گوندی که‌سر مه‌حره‌ب له باشووری ته‌له‌عفه‌ر دۆزراوه‌ته‌وه که ته‌رمی 18 هاووڵاتی کوردی ئێزدی تێدا بوو.
ئه‌و 18 هاووڵاتییه خه‌ڵکی گوندی کۆجۆی ئێزدینشین بوون و له‌لایه‌ن چه‌کدارانی ڕێکخراوی تیرۆریستی داعشه‌وه شه‌هید کراون.
شایانی باسه؛ دوای هێرش و داگیرکاریی داعش بۆ سه‌ر هه‌رێمی کوردستان، چه‌کدارانی ئه‌و ڕێکخراوه تیرۆریستییه هه‌زاران هاووڵاتیی کوردی ئێزدییان ڕفاند و شه‌هید کرد.
له مانگی 6ی 2014 نزیکه‌ی دوو هه‌زار چه‌کداری ڕێکخراوی تیرۆریستی داعش له سووریاوه دزه‌یان کرده ناو خاکی عێراق و له ماوه‌ی چه‌ند ڕۆژێکدا هه‌ره‌سیان به سوپای عێراق هێنا و زۆربه‌ی ناوچه‌کانی پارێزگاکانی نه‌ینه‌وا، دیاله، سه‌ڵاحه‌دین و ئه‌نباریان داگیر کرد.
سه‌رچاوه: باسنیووز
کۆدی هه‌واڵنێر: 60103
Your Comment