کوردپرێس:

ڕەجەب تەیب ئەردۆغان سەرکۆماری تورکیا لە لێدوانێکدا تیشکی خستۆتە سەر هەڵبژاردنی شارەوانەکان کە ساڵی 2019 بەڕێوە دەچێت و وتوویەتی ئەو شارەوانییانەی لە ڕۆژهەڵات و باشووری ڕۆژهەڵاتی تورکیا سەرپەرشتیاریان بۆ دانراوە ئەگەر ئەمجارەش بە هەڵبژاردن کەوتەوە دەست هەدەپە ئەوا شارەوانەکان دوور دەخەینەوە و سەرپەرشتیاریان بۆ دەستنیشان دەکەینەوە.

ناوبراو زیادی کرد: ئەو کەسانەی ئێستا وەکوو سەرپەرشتیار بۆ شارەوانی ڕۆژهەڵات و باشووری ڕۆژهەڵاتی تورکیا دەستنیشان کراون لە هەلومەرجێکی هەرەدژواردا کار دەکەن و پێش ئەوەی ئەوان بچنە ئەو پۆستەوە ناوچەکە کرابوو بە وێرانە بەڵام ئێستا بە تەواوەتی ئاوەدان کراوەتەوە.