به‌پێی هه‌واڵی کوردپرێس، ڕۆژی یه‌کشه‌ممه 29ی ئه‌یلوول نووسینگه‌ی حه‌یده‌ر عه‌بادی سه‌رۆک وه‌زیرانی عێراق له ڕاگه‌یێندراوێکدا بڵاوی كرده‌وه که حه‌یده‌ر عه‌بادی سه‌رۆک وه‌زیرانی عیراق وه‌زاره‌تی ناوخۆ و شانه‌ی ھه‌واڵگری ڕاسپاردوووه كه له ماوه‌ی ٤٨ سه‌عاتدا ڕێوشوێنی به‌په‌له و خێرا له‌باره‌ی ڕووداوه‌كانی تیرۆركردن و ڕفاندن بگرنه‌به‌ر.
له‌و ڕاگه‌یێندراوه‌دا هاتوووه: سه‌رجه‌م ئه‌و كاره تیرۆریستییانه‌ی ڕوو ده‌ده‌ن به شێوه‌یێكی پلان بۆداڕێژراون و لایه‌نی ڕێكخراو له پشت ئه‌و جۆره پلانانه‌وه كار ده‌كه‌ن كه ئامانجیان تێكدانی ئارامی و ئاسایشی عێراقه به پاساوی به‌ره‌نگاربوونه‌وه‌ی لادانی كۆمه‌ڵایه‌تی و ده‌رخستنی وه‌ک حاڵه‌تێكی ده‌گمه‌ن.
بڕیاره‌كه‌ی سه‌رۆک وه‌زیرانی عێراق له كاتێكدایه له چه‌ند ڕۆژی ڕابردوودا كچه مۆدێلی عه‌ره‌ب تارا فارس به‌هۆی ده‌ستڕێژی گوله‌وه تیرۆر كرا و مانگی ڕابردووش دوو پسپۆری جوانكاری له دوو حاڵه‌تی گوماناویدا كۆتایی به ژیانیان هێنرا و تا ئێستاش هیچ كه‌س له‌سه‌ر ئه‌و كرده‌وه تیرۆریستییانه ڕووبه‌ڕووی دادگا نه‌كراونه‌ته‌وه.
سه‌رچاوه: PUK media
کۆدی هه‌واڵنێر: 60103
Your Comment