به‌پێی هه‌واڵی کوردپرێس، ئیبراهیم كاڵن گوته‌بیژی سه‌رۆكایه‌تیی كۆماری توركیا به ئاژانسی هه‌واڵی ڕۆیته‌رزی گوتوووه: "له توركیا یاسا سه‌روه‌ره، كێشه‌ی ئه‌ندرۆ برۆنسن پرسێكی دادوه‌رییه و كاره‌كانی دادگا به‌رامبه‌ر ئه‌و تۆمه‌تباره به‌رده‌وامه."
ناوبراو ئاماژه به‌وه ده‌کات که "ئه‌نقه‌ره ڕێزنه‌گرتنی ئه‌مه‌ریكا له دادگاكانی توركیا ڕه‌ت ده‌کاته‌وه."
وه‌ک وه‌ڵامدانه‌وه‌یێكیش بۆ قسه‌كانی جۆن بۆڵتن ڕاوێژكاری ئاسایشی نه‌ته‌وه‌ییی ئه‌مه‌ریكا له‌باره‌ی ڕه‌وشی ئابووری توركیا گوته‌بێژی سه‌رۆكایه‌تیی كۆماری توركیا ڕای‌گه‌یاند: "ئه‌نقه‌ره ئه‌و قسانه به به‌ڵگه‌یێک داده‌نێت كه واشنتۆن هاوپه‌یمانێكی ناتۆی كردوووه‌ته ئامانج له چوارچێوه‌ی ئه‌و جه‌نگه بازرگانییه‌ی به‌رامبه‌ر به هه‌موو جیهان به‌رپای كردوووه."
به‌هۆی ده‌ستبه‌سه‌ركردنی قه‌شه‌یێكی ئه‌مه‌ریكی و تۆمه‌تباركردنی به به‌شداربوونی له كووده‌تا شكستخواردوووه‌كه‌ی ساڵی 2016 له‌لایه‌ن توركیاوه، په‌یوه‌ندییه‌كانی ئه‌نقه‌ره و واشنتۆن گرژی زۆریان به‌خۆیانه‌وه بینیوه.
سه‌رچاوه: K24
کۆدی هه‌واڵنێر: 60103
Your Comment