به‌پێی هه‌واڵی کوردپرێس، بانکی ناوه‌ندیی تورکیا و قه‌ته‌ر ڕێککه‌وتننامه‌ی سواپیان واژۆ کرد وه‌ک یه‌که‌مین قۆناغی هاوکارییه‌کان له‌ بواری سه‌رمایه‌دانه‌ریی 15 میلیارد دۆلاری.

ئه‌و ڕێککه‌وتننامه‌یه‌ له‌لایه‌ن موراد چه‌تین کایا سه‌رۆکی بانکی ناوه‌ندیی تورکیا و عه‌بدوڵڵا بن سعوود ئالی سانی هاوتا قه‌ته‌رکییه‌که‌ی له‌ دۆحه‌ واژۆ کرا.

به‌پێی ئه‌و ڕێککه‌وتننامه‌یه‌ دوو لایه‌ن ده‌بێت کارئاسانی بکه‌ن بۆ به‌کارهێنانی دراوی نه‌ته‌وه‌یی له‌ بازرگانیی دوو وڵاتدا و چاوه‌ڕوان ده‌کرێت 3 میلیارد دۆلار بودجه‌ سه‌رفی جێبه‌جێ کردنی قۆناغی یه‌که‌می ئه‌م ڕێککه‌وتننامه‌یه‌ بکرێت.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103