به‌پێی هه‌واڵی کوردپرێس، ئاڵدار خه‌لیل هاوسه‌رۆكی ده‌سته‌ی به‌ڕێوه‌به‌ری (ته‌ڤده‌م) له کۆنفڕانسێکی رۆژنامه‌وانیدا ڕای‌گه‌یاند: "واشنتۆن به شێوه‌یێكی فه‌رمی له‌گه‌ڵ ئێمه باسی پڕۆژه‌ی چاره‌سه‌ری له سووریای نه‌كردوووه و ته‌نها له‌باره‌ی ڕێكخراوی داعشه‌وه له‌گه‌ڵ ئێمه گفتوگۆ ده‌كات".
ناوبراو ئاماژه‌ی به‌وه‌ش كرد: پێش چه‌ند ڕۆژێک برێت مه‌كگۆرک نوێنه‌ری سه‌رۆكی ئه‌مریكا له‌گه‌ڵیان كۆ بوووه‌ته‌وه و له‌باره‌ی دایالۆگ و دیداره‌كانیان له‌گه‌ڵ ده‌وڵه‌تی سووریا پرسیاری كردوووه و "ئێمه‌ش داوامان كرد بۆچوونی ئه‌مه‌ریكامان له‌وباره‌یه‌وه پێبدات به‌ڵام هیچ ئاماژه‌یێكی ڕه‌تكردنه‌وه‌مان نه‌بینی."
ئه‌و سه‌ركرده‌یه‌ی سووریا گوتیشی: "ئێمه نازانین پڕۆژه‌ی گشتیی ئه‌مه‌ریكا له سوریا چییه و ڕووسه‌كانیش هه‌وڵ ده‌ده‌ن ئاوه‌كه بگه‌ڕێننه‌وه سه‌ر ڕێره‌وی خۆی به‌ڵام مه‌رجی سه‌ره‌كیی ئێمه گه‌ڕاندنه‌وه‌ی عه‌فرینه".
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment