به‌پێی هه‌واڵی کوردپرێس، له به‌یاننامه‌یێكی نووسینگه‌ی نوجێفی جێگری سه‌ركۆمار و سه‌ركرده له هاوپه‌یمانی پرۆژه‌ی عه‌ره‌بی له عێراق ئاماژه به‌وه كراوه که له كۆبوونه‌وه‌كه‌دا برێت مه‌كگۆرک پشتگیریی وڵاته‌كه‌ی بۆ به‌ره‌نگاربوونه‌وه‌ی گه‌نده‌ڵی و گه‌نده‌ڵكاران و دوورخستنه‌وه‌یان له پێكهێنانی حكوومه‌تی داهاتووی عێراق ڕاگه‌یاندوووه.
نووسینگه‌ی نوجێفی ئاماژه‌ی به‌وه کردوووه واشنتۆن پشتگیری له دیاری كردنی كه‌سانێک ده‌كات له حكوومه‌تی نوێی عێراق كه ده‌ستپاک و لێهاتوو و كارامه و شاره‌زا بن و به‌رپرسیارییه‌تی بخه‌به ئه‌ستۆ له‌پێناو دڵنیاییی سه‌ركه‌وتنی حكوومه‌ت.
هاوكات له دیدارێكی دیكه‌دا برێت مه‌كگۆرک له‌گه‌ڵ سه‌لیم جبووری سه‌ركرده له هاوپه‌یمانیی پڕۆژه‌ی عه‌ره‌بی سوننه و سه‌رۆكی پێشووی په‌رله‌مانی عێراق كۆ بوووه‌ته‌وه و تاوتوێی هه‌وڵه‌كانی قه‌واره سیاسییه‌كان و لێكتێگه‌یشتنه‌كانیان بۆ پێكهێنانی حكوومه‌تی داهاتوو و ڕۆڵیان له گه‌یشتن به ڕوانینێكی هاوبه‌ش له‌باره‌ی پێكهێنانی حكوومه‌تی نوێ کردوووه كه خواست و داواكارییه‌كانی گه‌لی عێراق بهێنێته‌دی.
ئه‌و كۆبوونه‌وه‌یه له دوای ئه‌وه دێت كه ڕۆژی سێشه‌ممه‌ی ڕابردوو پێكهێنانی هاوپه‌یمانیی "پڕۆژه‌ی عه‌ره‌بی له عێراق" ڕاگه‌یه‌نرا كه ژماره‌یێک كه‌سایه‌تیی سیاسیی سوننه له‌خۆ ده‌گرێت.
سه‌رچاوه: Kurdistan TV
کۆدی هه‌واڵنێر: 60103
Your Comment