بەپێی هەواڵی کوردپرێس، نێچیرڤان بارزانی، سەرۆکی هەرێمی کوردستان لە یەکەم سەردانی فەرمیدا بۆ قەتەر ئەمڕۆ یەکشەممە لەگەڵ شێخ تەمیم بن حەمەد ئال سانی، میری قەتەر کۆبووەوە و چەند پرسێکیان تاوتوێکرد.

نێچیرڤان بارزانی لە تویتێکدا لە هەژماری تایبەتی خۆی بڵاویکردەوە، خۆشحاڵ بووم بە دیداری شێخ تەمیم بن حەمەد ئال سانی لە دەوحە، پتەو کردنی پەیوەندییە دووقۆڵییەکان و پرسەکانی جێی بایەخی هاوبەشمان لە عێراق و ڕۆژهەڵاتی ناوەڕاست تاوتوێ کرد.

هاوکات دیوانی میری قەتەر لە راگەیەندراوێکدا لەبارەی کۆبوونەوەکە باسی لەوە کردووە، لەو دیدارەدا ھاوئاھەنگی، پاڵپشتی کردن و پتەوکردن پەیوەندییەکان و ژمارەیەک پرسی هاوبەش تاوتوێ کران.