«مەحموود محەمەد» ئەندامی مەکتەبی سیاسیی پارتی یەکێتیی دیموکراتی کورد لە سووریا (P.Y.D.K) لە گفتوگۆ لەگەڵ کوردپرێسدا ئاماژەی دا بە کاریگەریی ئەگەری کشانەوەی ئەمریکا لە کوردستانی سووریا و ڕایگەیاند: عەفرین بەشێکە لە خاکی کوردستانی سووریا و ئەمڕۆ لەلایەن تورکیا و گرووپە تیرۆریستییەکانەوە دەستی بەسەردا گیراوە و لە خەمساردیی کۆمەڵگای نێونەتەوەییدا دەست کروە بە گۆڕینی دیموگرافیی ئەم ناوچەیە . عەفرین خاکی گەلی کوردە و ئەو خەڵکە خۆیان دەبێت مەیلی گەڕانەوەیان بۆ زێدی خۆیان هەبێت و ئێمە وەکوو P.Y.D.K گوشار لەسەر کەس دروست ناکەین.

ناوبراو زیادی کرد: ئەمانەش هەموو لەپێش چاوی کۆمەڵگای نێونەتەوەیی بەتایبەت ئەمریکا و ڕووسیاوە ڕوودەدات ئەوانیش چاوی خۆیان داخستووە لەبەرامبەر پاوانخوازییەکانی تورکیا لە کوردستانی عێراق و کوردستانی سووریادا.