بەپێی هەواڵی کوردپرێس، سەعید دەدە، نوێنەری جۆڵەمێرگ لە پەرلەمانی تورکیا و سەر بە پارتی دیموکراتیکی گەلان ئاماژەی دا با گۆشەگیر کردنی ئۆجەلان، سەرکردەی زیندانیی پەکەکە و وتی: ئەو گۆشەگیرییەی خراوەتە سەر ئۆجەلان دەبێت بەزووترین کات هەڵبگیردرێت. بۆ ئەوەی کە کێشە هەنووکەییەکان چارەسەر بکرێن دەبێت گۆشەگیریی کۆتایی بێت و ئۆجەلان لە زیندان ئازاد بکرێت.
لەمبارەوە Mezopotamya زیاتر دەنووسێت: نوێنەرەکەی هەدەپە جەختی کردۆتەوە «عەبدوڵا ئۆجەلان توانای چارەسەر کردنی کێشە هەنووکەییەکانی ڕۆژهەڵاتی ناوەڕاستی هەیە. ئەگەر ناوبراو ئازاد بکرێت زۆرینەی پرسەکان چارە دەکرێن».
ناوبراو زیاتر دەڵێت: تەنانەت ئازادیی ئۆجەلان کاریگەریی دەکاتە سەر کوردستانی سووریا و هەرێمی کوردستانی عێراق، چوونکە ئۆجەلان کەسێکی ئاسایی نییە و دەنگی ملیۆنان کەسە.
سەعید دەدە دەشڵێت: ئەگەر تورکیا پرسی گۆشەگیر کردنی دروست نەکردبا و پرسی کورد چارەسەر کرابا ئەم وڵاتە ئێستا گیرۆدەی کێشەی ئابووری نەدەبوو.
کۆدی هەواڵنێر: 60113
Your Comment