بەپێی هەواڵی کوردپرێس، سه‌عدی ئه‌حمه‌د پیره وته‌بێژی فه‌رمیی یه‌كێتی له‌باره‌ی كۆبوونه‌وه‌ی هه‌ردوو مه‌كته‌بی سیاسی یه‌كێتی و پارتی له پرێس كۆنفرانسێكدا وتی: "له كۆبوونه‌وه‌كه‌دا مه‌كته‌بی سیاسی یه‌كێتی و پارتی باشتركردنی بژێوی خه‌ڵكیان تاووتوێ كردووه".
ناوبراو وتیشی: "یه‌كێتی ڤیتۆی له‌سه‌ر هیچ لایه‌نێک نییه و ده‌رگای گفتوگۆی یه‌كێتی به رووی لایه‌نه‌كاندا واڵایه".
سەعدی ئەحمەد پیرە راشیگه‌یاند یه‌كێتی كاتی بۆ دواخستنی هه‌ڵبژاردنی هه‌رێم پێشنیار نه‌كردووه و ئه‌و لایانانه‌شی ده‌یانه‌وێت هه‌ڵبژاردن دوابخرێت ده‌توانن له‌گه‌ڵ یه‌كێتی و پارتی ئه‌و بابه‌ته تاوتوێ بكه‌ن.
سه‌باره‌ت به سه‌ردانی به‌غدا، سه‌عدی ئه‌حمه‌د پیره ئاشكرای كرد، دواخستنی سه‌ردانه‌كه‌مان بۆ به‌غدا به‌هۆی ئاڵۆزیه‌كانی باشووری عێراقه‌وه بووه و باسی له‌وه‌ش كرد، پێویسته ئامانجمان بۆ چوونه به‌غدا هه‌بێت.
سەرچاوە: ڕادیۆ نەوا
کۆدی هەواڵنێر: 60113
Your Comment