کوردپرێس- به گوێره‌ی زانیارییه‌كانی ڕۆژنامه‌ی سه‌باحی فه‌رمیی عێراق ئه‌مرۆ دووشه‌ممه 6ی ئابی 2018 ئه‌نجامی ده‌ستژمێریی ده‌نگه‌كانی هه‌ڵبژاردنه په‌رله‌مانییه‌كه‌ی ڕۆژی 12ی ئایاری 2018ی ئه‌نجومه‌نی نوێنه‌رانی عێراق راده‌گه‌یێنرێت كه به چاودێریی ده‌سه‌ڵاتی دادوه‌ری و به‌هۆی تانه‌ی هێزه سیاسییه‌كانه‌وه له بوونی ساخته‌كاریی له ده‌نگدانی ئه‌لیكترۆنی ده‌ست به ژماردنه‌وه‌ی كرابوو.
ئاژانسی هه‌واڵی عێراق (واع) له ڕاپۆرتێكدا ئاماژه‌ی به‌وه داوه كه دادوه‌ره‌كان ته‌ئكیدیان كردوووه‌ته‌وه پرۆسه‌كه كۆتایی هاتوووه و پاش ئه‌وه‌ی ده‌ستژمێریی ده‌نگه‌كانی سه‌رجه‌م وێستگه‌كانی كه‌رخ له به‌غدا كراوه و له نه‌ینه‌وا و سه‌ڵاحه‌ددینیش به هه‌مان شێوه، ئێستا ئاماده‌ی راگه‌یاندنه.
ئه‌و ئاژانسه زیاتر ده‌ڵێت: "له چه‌ند رۆژی داهاتوودا ئه‌نجومه‌نی كۆمیسیاران بڕیارێک له‌باره‌ی وێستگه‌كانی ره‌سافه ده‌ده‌ن."
به گوێره‌ی ڕاپۆرته‌كه‌ی ئاژانسی هه‌واڵی عێراقی، ئه‌مڕۆ سه‌رجه‌م ورده‌كارییه‌كانی پرۆسه‌ی ده‌ستژمێری و ده‌ره‌نجامه‌كانی ناوه‌وه و ده‌ره‌وه‌ی وڵات و بڕیاره‌كان ڕاده‌گه‌یێنرێت و به ته‌نها كه‌ناڵی ئه‌لعێراقییه‌ی فه‌رمی بڵاوی ده‌كاته‌وه.
ئاژانسی هه‌واڵی عێراق ئاماژه‌ی به‌وه‌ش كردوووه كه ده‌نگه‌كانی 5 وێستگه له میانی پرۆسه‌ی ده‌ستژمێریدا له كه‌رخ به‌هۆی نه‌بوونی باركۆد و تۆماری ده‌نگده‌ران تا كاتی ساخكردنه‌وه‌ی ڕاگیراون.
سه‌رچاوه: K24
کۆدی هه‌واڵنێر: 60103
Your Comment