بەپێی هەواڵی کوردپرێس، ئەمڕۆ ژمارەیێک لە كریستیانەكان لەبەردەم پەرلەمانی كوردستان خۆپیشاندانێكیان سازكرد و لەو بارەیەوە نوێنەری ئەو خۆپیشاندەرانە بە رادیۆ نەوای وت "ئێمە بەمەبەستی پێشكەش كردنی داواكاری بۆ هەمواری یاسای كۆتا، هاتوینەتە بەردەم پەرلەمانی كوردستان، پێویستە كارێک بكرێت رێژەیێكی تایبەت هەبێت، هەروەها دەنگدانێكی تایبەت لە رۆژێكی دیاریكراو بۆ هەڵبژاردن بكرێت بۆ ئەوەی نوێنەری خۆمان دیاری بكەین".

باسی لەوەش كرد ئەو نوێنەرانەی پێشتر هەبوون، نوێنەری ئەوان بوون، بەڵام بەدەنگی ئەوانی سریانی نەبووە.

لەبارەی هەڵبژاردنەكانی ئەنجومەنی نوێنەرانی عیراقیشەوە ئەو خۆپیشاندەرە باسی لەوە كرد، لە كۆی پێنج كورسی بۆ پێكهاتەی كلدانەكان، دوو كورسی عەرەبەكان و دوو كورسی كوردەكان بردوویانە و ئەوانیش تەنها یەک كورسیان بۆ ماوەتەوە.

کۆدی هەواڵنێر: 60113