به‌پێی هه‌واڵی کوردپرێس، ئه‌حمه‌د عه‌سكه‌ری ئه‌ندامی ئه‌نجومه‌نی پارێزگای که‌رکووک له‌سه‌ر لیستی برایه‌تی له‌باره‌ی داواكاریی توركمانی شاره‌كه‌ بۆ وه‌رگرتنی پۆستی پارێزگاری که‌رکووک ڕای‌گه‌یاند: "ئه‌و پۆسته‌ پشكی یه‌كێتییه‌‌ و ئاماده ‌نین سازش له‌سه‌ر پۆستی پارێزگار بكه‌ین چوونكه‌ به ‌گوێره‌ی ده‌ستوور براوه‌ی یه‌كه‌می هه‌ڵبژاردن مافی وه‌رگرتنی ئه‌و پۆسته‌ی هه‌یه‌ و براوه‌ش لیستی برایه‌تییه‌".

پێشتر حه‌سه‌ن توران جێگری سه‌رۆكی به‌ره‌ی توركمانی داوای كرد پۆستی پارێزگاری که‌رکووک بدرێته‌ توركمان و ڕاشی‌گه‌یاند كه‌ عه‌ره‌بی سوننه‌ پشتگیری ئه‌و خواسته‌ی توركمانه‌كان ده‌كات.

ئه‌حمه‌د عه‌سكه‌ری ڕه‌تی كرده‌وه‌ ئه‌و دۆخه‌ی ئێستا له که‌رکووک هاتووه‌ته‌ئاراوه‌ ببێته‌ هۆی "سه‌پاندنی ئه‌مری واقیع" له ‌نێو که‌رکووک.

سه‌رچاوه‌: شارپرێس

کۆدی هه‌واڵنێر: 60103