بەپێی هەواڵی کوردپرێس، ئاراس حه‌سۆ میرخان ئه‌ندامی ئه‌نجومه‌نی سه‌ركردایه‌تی پارتی دەڵێت: "كۆبوونه‌وه به‌رده‌وامه‌كانی نێوان یه‌كێتی و پارتی بۆ دانانی به‌رنامه‌یێكی دیاریكراو و هاوبه‌ش بۆ به‌شداری كردن له حكوومه‌تی داهاتووی عێراق و یه‌كده‌نگیشمان له عێراق، واده‌كات به‌رنامه‌یێكی هاوبه‌ش بۆ كوردستانیش دابنێین".
ناوبراو جه‌ختیشی كرده‌وه "له‌به‌رنامه‌شماندایه له‌گه‌ڵ یه‌كێتی وه‌ک دوو هاوپه‌یمان به‌هه‌مانشێوه‌ی عێراق هاوپه‌یمانێتی ببه‌ستین و چۆنێتی هاوپه‌یمانێتیه‌كه‌ش ده‌گه‌ڕێته‌وه‌سه‌ر هه‌ڵبژاردنه‌كانی كوردستان".
ئاراس حه‌سۆ وتیشی:"دوای ئه‌وه‌ی ڕێكه‌وتنه ستراتیژیه‌كه‌ی نێوان یه‌كێتی و پارتی كۆتایی هات، پێویسته سه‌رله‌نوێ بۆ كاركردن له كوردستانێكی نوێدا ڕێكه‌وتننامه‌یێكی نوێ دابنرێت و هاوپه‌یمانێتی نێوان هه‌ردوولاش سه‌ره‌تایێكی نوێ ده‌بێت بۆ ڕێككه‌وتنی نێوان یه‌كێتی و پارتی به‌گشتیی.
سەرچاوە: تۆڕی هەواڵی سلێمانی
کۆدی هەواڵنێر: 60113
Your Comment