کوردپرێس:

ڕۆژی شەمە 28ی تشرینی دووهەمی 2020 وەزارەتی تەندروستیی هەرێمی کوردستان دوایین داتاکانی لەبارەی کۆرۆناوە بڵاو کردەوە و بەو پێیەش لە ماوەی 24 کاتژمێری ڕابردوودا 259 حاڵەتی نوێی تووشبوون بە کۆرۆنا تۆمار کراوە و کۆی ئاماری تووشبووان گەیشتە 95 هەزار و 897 کەس.

بەپێی راگەیەندراوی 24 سەعاتیی وەزارەتی تەندروستی هەرێمی کوردستان سەبارەت بە دۆخی کۆرۆنا، لە 3640 پشکنین، دەرەنجام 259 تووشبووی نوێی کۆرۆنا تۆمارکراوە، لەبەرامبەردا 385 توشبو چاک بوونەتەوە.

هەر لەو ماوەیەدا 14 تووشبووی کۆرۆنا گیانیان لەدەست داوە هەولێر 4، سلێمانی 3، دهۆک 1، هەڵەبجە 0، گەرمیان 1، ڕاپەڕین 5.

ئاماری گشتیی کۆرۆنا لە هەرێمی کوردستان:

تووشبووان: 95897

چاکبوونەوە: 59626

گیان لەدەستدان:3118