بەپێی هەواڵی کوردپرێس، مەسروور بارزانی، سەرۆک وەزیرانی هەرێمی کوردستان لە هەژماری فەرمی خۆی لە سەکۆی "ئێکس" ئاماژەی بەوەکرد: "هێرشەکەی سەر دەوڵەتی قەتەر، پێشێلکاری یاسا نێودەوڵەتییەکانە و داواکارین پەلە بکرێت لە چارەسەریی ئاشتییانەی کێشەکان و کۆتایی هێنان بە هەموو جۆرە گرژی و توندوتیژیەک".
ئەمەش لەکاتێکدایە، ڕۆژی سێشەممە، سوپای ئیسرائیل لە ڕێگەی ۱۵ فڕۆکەی جەنگییەوە هێرشی ئاسمانی بۆ سەر چەند سەرکردەیەکی بزووتنەوەی حەماس لە شاری دەوحەی پایتەختی قەتەر ئەنجامدا، ئەوەش کاردانەوەی نێودەوڵەتیی توندی لێکەوتەوە.