بەپێی هەواڵی کوردپرێس، هۆشیار زێباری، ئه‌ندامی ده‌سته‌ی كارگێڕیی مه‌كته‌بی سیاسیی پارتی دیموكراتی كوردستان، لە تۆڕی كۆمەڵایەتی (X) پەیامێکی بڵاو کردوە و نووسی: گرووپه‌ چه‌كداره‌كان له‌ناو خاكی عێراق، له‌ مانگی ته‌موزی ئه‌م ساڵدا، ۳۸ جار به‌ درۆن هێرشیان كرده‌ سه‌ر ژماره‌یێک كێڵگه‌ی نه‌وتی و دامه‌زراوه‌كانی ژێرخانی هه‌رێمی كوردستان، هاوكات حكوومه‌تی عێراق وه‌كوو نه‌ریتێكی دووباره‌ لیژنه‌یێكی بۆ به‌دواداچوونی ڕاستییه‌كان پێكهێنا.
ناوبراو دەشڵێت: حكوومه‌تی عێراق و لایه‌نه‌ فه‌رمی و په‌یوه‌ندیداره‌كانی ڕاپۆرتێكیان له‌م باره‌وه‌ ده‌ركردووه‌ و دانیان به‌ هێرشه‌كاندا ناوه‌، بەڵام جورئەتیان نییه‌ تاوانبارانی هێرشه‌كانی سه‌ر هه‌رێمی كوردستان بناسێنن.