دەقی یادداشتەکە:

یەکەم: ئەمڕۆ پڕوسەی سيمبولیی لە ئەشکەوتی جاسەنە بەڕێوەچوو. ئەو پڕۆسەيە زۆر گرنگە، چوونکە دووەم هەنگاوی پەکەکە، يە لە پێناوی هێنانەدی ئاشتی و چارەسەرکردنی پرسی کورد.

ئێستا نەک هەر پەکەکە، بەڵکوو جيهان چاوی لەسەر هەنگاوەکانی تورکيا و وتارە چاوەڕوانکراوەکەی ئەردۆغانە. با چاوەڕێ بين. هيوادارين لە ئاستی پێويستی قۆناغەکە بێ.

دووەم: هەڵبژاردنی ئەو شوێنە زۆر گرنگ و ئاماژەدارە، چوونکە سەد ساڵ زووتر شێخ مەحموودی نەمر کردبووی بە بارەگای سەرەکی بەرەنگاربوونەوەی داگيرکەران و دەرکردنی ڕۆژنامەی بانگی حەق. واتە لەوێ بانگی حەق دەدرا.

ئەمڕۆش دوای  لە هەمان شوێن بانگەوازی ئاشتی و کۆتايهينان بە شەڕ کرا.

کۆتاييهێنان بە شەڕ لە پێناوی دەسپێکردنی ديالۆگ و خەباتی ديمۆکراسی بۆ چارەسەرکردنی ئەو کێشەيەی سەد ساڵە هۆکاری رشتنی خوێنی گەلانی کورد و تورکە، سەرەتای قۆناغێکی مێژوويە، کە ئەگەر دەوڵەتی تورکيا هەنگاوی پێويست باوێ، بارودۆخی ناوچەکەش دەکۆڕێ.

سێيەم: هاتنە خوارەوەی کچ و کوڕە گەريلاکان لە شاخ و سووتاندنی چەکەکانيان گومانی نەهێشت، کە ئەوان ئاشتيان دەوێ و لە دەستبەرداربوونی خەباتی چەکداری ڕاستگۆن. لە چاوەڕوانی هەنگاوەکانی دەوڵەتيش بە هەمان ڕێگادا چوونەوە شاخ. ئەوەش واتايەکی گەورەی دەدا.

بە کورتی و بەکوردی ئەو چەکدانانە سيمبوليە پڕ لە ئاماژەی واتادار بوو.