بەپێی هەواڵی کوردپرێس، ئایەتۆڵڵا خامنەیی ئاماژەی دا بە هاوکات بوونی ساڵی نوێ لەگەڵ شەوانی قەدر و ساڵیادی شەهید بووتی ئیمامی عەلی و هیوای خواست بەرەکەتی شەوانی قەدر هەموو ئەو کەسانە بگرێتەوە کە ساڵی نوێیان بە نەورۆز دەستپێدەکات.
ڕێبەری باڵای ئێران باسی لە ساڵی ۱۴۰۳ کرد و ڕایگەیاند ساڵی ڕابردوو ساڵێک بوو پۆ لە ڕووداوی تاڵ بۆ گەلی ئێران.
ئایەتۆڵڵا خامنەیی جەختی کردەوە لە ململانێی نێوان هەق و ناهەقدا سەرکەوتن بۆ هەقە، بەڵام بەرەی هەقیش باج دەدات و گومان لەوەدا تێدا نییە، ئەم بەرهەڵستكارییە دواجار دەبێتە هۆی شکستی دوژمن و قەوارەی زایۆنی.
ڕێبەری باڵای ئێران وتیشی: دەبێت ئەمریکییەکان بزانن، بە هەڕەشەکردن لە گەلی ئێران ناتوانن هیچ دەستکەوتێک بەدەست بهێنن، دەبێت ئەوەش بزانن ئەگەر هەر کارێکی خراپەکارانە لە دژی نەتەوەی ئێران ئەنجام بدەن، گورزێکی توندیان پێدەگات.
ئایەتۆڵڵا خامنەیی پاش پێشکەش کردنی ئەم پێشەکییە ساڵی ۱۴۰۴ی وەکوو ساڵی «سەرمایە دانان بۆ وەبەرهێنان» ناولێنا و هیوا خواست بەرمانەکانی حکوومەت بۆ بەشداریی گەل ببێتە هۆی کرانەوەی ئابووری لە وڵاتدا.
Your Comment