بەپێی هەواڵی کوردپرێس، نووسەری ئەم کتێبە بەنرخەی خاتوو مەریەم ڕهنەما فولکلۆر نووسی زاراوەی پەهلەییە، کە بە زمانێکی پاراو باسی ڕێوڕەسمەکانی ژیانی کۆنی کردووە و ناوەرۆکێکی جوانی هەیە و دەتوانێت بیرەوەری گەورەساڵان وەبیریان‌بێنێتەوە و بۆ نەوەی نوێیش سەرەنجڕاکێش بێت.
(ژیین زیترین) یەکەم کتێبی فولکلۆری پەهلەییە کە باس لە ئەدەبیات و کەلتوور و شێوازی ژیانی دێرین دەکات کە هێشتایش هەندێک لەو دێوڕەسمانە وەکوو خۆی ماوەتەوە.
ئەم کتێبە یەکەم بەرهەمی خاتوو مەریەم ڕەهنەما نووسەری کوردی پەهلەییە کە خەڵکی شاری پەهله سەربە بە شارستانی دێهلۆران له پارێزگای ئیلامە، ئەم بەرهەمە بە زمانێکی پاراوی زاراوەی کوردیی پەهلەیی نووسراوە.
له تایبەتمەندیەکانی ئەم کتێبە دەتوانین بە لایەنی فێرکاری ئەم کتێبە ئاماژە بکەین. لاپەڕەی یەکەمی ئەم کتێبە تەرخان کراوە بۆ ڕاهێنانی ئەلفوبێ زمانی کوردی تا ئەو کەسانەی کوردی نازانن بتوانن بە ئاسانی دەقی کتێبەکە بخوێننەوە.
زاراوەی کوردی پەهلەیی زمانی زۆربەی هەرەزۆری دانیشتوانی ئیلامه کە له شارەکانی دێهلوران، ئابدانان، درەشهر، مەیمە،پەهلەدا دەژین.
Your Comment