بەپێی هەواڵی کوردپرێس، شەوی ڕابردوو ماڵی فەیسەڵ بابات، بەرپرسی پارتی یەکسانی و دیموکراسی گەلان (دەم پارتی) لە شینۆبا، لەلایەن کۆمەڵێک کەسی نەناسراوەوە هێرشی کراوەتە سەر.

گولە تەقێنراوەکان بەر دارێکی بەردەم ماڵەکە کەوتووە و هیچ زیانێکی گیانیی نەبووە.

دوای هێرشەکە سوپای تورکیا و هێزەکانی جەندرمە ڕەوانەی شوێنی ڕووداوەکە کران. جەندرمە دوای لێکۆڵینەوە لە شوێنی ڕووداوەکە و تۆمارکردنی ڕاپۆرتی فەرمی، ئەندامانی بنەماڵەی باباتیان بردە بنکەی پۆلیس بۆ ئەوەی لەوبارەوە ڕوونکردنەوە بدەن. 
هەروەها ڕاگەیەندرا کە فەرماندەیی جەندرمەی شینۆبا لێکۆڵینەوەی بەرفراوانی بۆ ئەم ڕووداوە دەستپێکردووە.