بەپێی هەواڵی کوردپرێس، ناوه‌ندی ڕاگه‌یاندن و چاپه‌مه‌نی ئه‌نجومه‌نی سه‌ربازیی مه‌نبه‌ج له ڕاگه‌یه‌ندراوێکدا بڵاویکرده‌وه، "هێزه‌کانیان هێرشه‌کانی چه‌کدارانی تورکیایان له گونده‌واری باشووری به‌نداوی تشرین له باشووری کۆبانێ تێکشکاندووه، چه‌ندین چه‌کدار کوژراون و بریندار بوون، هه‌روه‌ها به‌شێکیان هه‌ڵاتوون.
ئاماژه‌ی به‌وه‌ش کردووه، "هێزه‌کانی ئه‌نجومه‌نی سه‌ربازیی مه‌نبج، هێرشه‌کانی چه‌کدارانی تورکیایان له ده‌وروبه‌ری شارۆچکه‌ی ئه‌بوو قه‌لقه‌لی باشووری مەنبج تێکشکاندووه، هه‌روه‌ها چه‌ندین ئۆتۆمبیلی سه‌ربازییان تێکشکاندووه و ژماره‌یه‌ک چه‌کدار کوژراون، به‌ڵام تا ئێستا شه‌ڕ و پێکدادانی سه‌خت له ناوچه‌که به‌رده‌وامه".
دەقی راگەیەنراوەکە:
نوێکردنەوە - ناوەندی ڕاگەیاندنی ئەنجومەنی سەربازی منبج
ئەمڕۆ جارێکی تر هێزەکانی هەسەدە هێرشی بەکرێگیراوانی داگیرکەری تورکیایان بۆ سەر گوندەکانی باشووری بەنداوی تشرین پووچەڵ کردەوە، بەهۆیەوە ژمارەیەک کوژراو و بریندار لەنێو ڕیزەکانیانی هێزە هێرشبەرەکان هەیەو ناچاربوون لە بەرەکان شەڕ هەڵبێن.
لە میحوەری شارۆچکەی ئەبوو قەلقال لە باشووری ڕۆژهەڵاتی مەنبج، هێزەکانی هەسەدە وەڵامی هێرشەکانی بەکرێگیراوانی داگیرکەری تورکیایان دایەوە کە بۆ سەر دەوروبەری شارۆچکەکە ئەنجامیان دابوو، شەڕڤانان چەندین ئۆتۆمبێلی سەربازی بەکرێگیراویان تەقاندەوە و ژمارەیەکی زۆر لە هێرشبەران کوژران و تا ئێستا پێکدادانلەو ناوچەیەدا بەردەوامە.
بۆ پشتیوانی لە هێرشەکانی بەکرێگیراوەکان، داگیرکەری تورکیا هێرشێکی توندوی لە ڕێگای تۆپخانەی قورسەوە کردە سەر دەوروبەری بەنداوی تیشرین و میحوەرەکانی شەڕکردن، هاوکات بەهۆی بۆردوومانی فڕۆکەی بێفڕۆکەوانی تورکیاوە زیانێکی زۆری بە بەنداوەکە گەیەشتووە.
Your Comment