بەپێی هەواڵی کوردپرێس، ئاژانسی هەواڵی ڕۆیتەرز، ئەمشەو یەکشەممە لە زاری دوو سەرچاوەی ئەمنی عێراقی بڵاویکردەوە: "پێنج مووشەک لە شارۆچکەی زومار لە عێراقەوە ئاڕاستەی بنکەیەکی سەربازیی ئەمریکا لە باکووری ڕۆژهەڵاتی سووریا کران".

ڕۆیتەرز ئاماژەی بەوەشکردووە، ئەو هێرشە دەبێتە یەکەم هێرش لە ماوەی دوو مانگی ڕابردووی ئەمساڵدا کە لە سەرەتاکانی مانگی شوباتەوە گرووپە چەکدارەکان لە عێراق دژی هێزەکانی ئەمریکا هێرشەکانیان ڕاگرتووە.

ئەو ئاژانسە باسی لەوەشکردووە، لە بەرامبەریشدا لە لایەن سیستەمی بەرگری بنکەی سەربازی ئەمریکاوە سەرجەم مووشەکەکان خراونەتە خوارەوە.