بەپێی هەواڵی کوردپرێس، دیلمان زەندی کچی  ئەم هونەرمەندە، درەنگانی شەوی ڕابردوو لە هەژماری تایبەتی خۆی هەواڵی کۆچی دوایی باوکی بڵاوکردەوە و ئاماژەی بەوەکرد کە دوای تووشبوونی بە نەخۆشی شێرپەنجە و مانەوەی بۆ ماوەیەک لە نەخۆشخانەیەکى شاری تۆرینتۆى کەنەدا، عەلی زەندی باوکی کۆچی دوایی کردووە. 

عەلی زەندی ساڵی ١٩٥٦ی زایینی لە شاری سنە لە دایکبووە، ماوەی زیاتر لە ٢٠ ساڵە کاری مۆسیقا و ئاواز و گۆرانی وتنی کردووە، لای مامۆستا حەسەنی کامگار فێری هونەری موزیک بووە.