بەشی فەرهەنگ و هونەر- عەلی زەندی بەهۆی نەخۆشیەوە لە نەخۆشخانەیەکى وڵاتی کەنەدا کۆچی دوایی کرد.
دەنگی ئەو دەنگی سروشت بوو؛ دەنگی ئاوی کانی و بولبولە دەنگ خۆشەکان و نمەی باران و خوڕەی چەم بوو. بە دەنگی ئەو دەشت و دۆڵەکان سەوز بوون، دار چرۆی دەکرد و سروشت ژیانێکی دیکەی دەست پێدەکرد. ئەو کەسەی دوای چەندین ساڵ لە هەموو گوند و باژاڕێک دەنگی دەبیسترێت و خەڵک پێی دەڵێن "بولبولی کوردستان".
