بەپێی هەواڵی کوردپرێس، ئالینا رۆمانۆوسکی باڵیۆزی ئەمریکا لە بەغدا لە هەژماری ئێکسی تایبەت بەخۆی لەبارەی بڕیارەکەی دوێنێی پارتی بۆ بایکۆت کردنی هەڵبژاردنی پەرلەمانی کوردستان نووسیویەتی: داوا لە حکوومەتی عێراق و هەرێم دەکەین دڵنییایی بدەن کە هەڵبژاردنەکان ئازاد و دادپەروەر و شەفاف و متمانەپێکراو دەبن.
ئەوەشی خستوەتەڕوو، هەموو خەڵکی هەرێمی کوردستان پێویستە دەنگیان هەبێت لە بڕیاردان لە سەر داهاتویان.
شایانی باسە دوێنێ دووشەممە مه‌كته‌بی سیاسی پارتی دیموکراتی کوردستان ڕایگەیاند، بە بەرژەوەندی گەل و نیشتمانەکەمانی دەزانین كە پارتی نەچێتە ژێر باری پەسەندکردنی بریاری نادەستوریی و سیستەمێکی سەپێنراو لە دەرەوەی ئیرادەی گەلی هەرێمی كوردستان و دامەزراوە دەستورییەکانی و بەشداری هەڵبژاردنێک نەكات کە بە نایاسایی و نادەستووری و لەسایەی سیستەمیکی سەپێنراودا بەڕێوەبچێت.
Your Comment